Vallalar.Net
Vallalar.Net
1131
மடிகொள் நெஞ்சினால் வள்ளல்உன் மலர்த்தாள் 

மறந்து வஞ்சக வாழ்க்கையை மதித்தேன் 
துடிகொள் நேர்இடை மடவியர்க் குருகிச் 

சுழல்கின் றேன்அருள் சுகம்பெறு வேனோ 
வடிகொள் வேல்கரத் தண்ணலை ஈன்ற 

வள்ள லேஎன வாழ்த்துகின் றவர்தம் 
செடிகள் நீக்கிய ஒற்றியம் பரனே 

தில்லை ஓங்கிய சிவானந்தத் தேனே    
1132
இருக்க வாவுற உலகெலாம் உய்ய 

எடுத்த சேவடிக் கௌ;ளள வேனும் 
உருக்கம் ஒன்றிலேன் ஒதியினில் பெரியேன் 

ஒண்மை எய்துதல் வெண்மைமற் றன்றே 
தருக்க நின்றஎன் தன்மையை நினைக்கில் 

தமிய னேனுக்கே தலைநடுக் குறுங்காண் 
திருக்கண் மூன்றுடை ஒற்றிஎம் பொருளே 

தில்லை ஓங்கிய சிவானந்தத் தேனே    
1133
எண்பெ றாவினைக் கேதுசெய் உடலை 

எடுத்த நாள்முதல் இந்தநாள் வரைக்கும் 
நண்பு றாப்பவம் இயற்றினன் அல்லால் 

நன்மை என்பதோர் நாளினும் அறியேன் 
வண்பெ றாவெனக் குன்திரு அருளாம் 

வாழ்வு நேர்ந்திடும் வகைஎந்த வகையோ 
திண்பெ றாநிற்க அருள்ஒற்றி அமுதே 

தில்லை ஓங்கிய சிவானந்தத் தேனே   
1134
பேதை நெஞ்சினேன் செய்பிழை எல்லாம் 

பேசி னால்பெரும் பிணக்கினுக் கிடமாம் 
தாதை நீஅவை எண்ணலை எளியேன் 

தனக்கு நின்திருத் தண்அளி புரிவாய் 
கோதை நீக்கிய முனிவர்கள் காணக் 

கூத்து கந்தருள் குணப்பெருங் குன்றே 
தீதை நீக்கிய ஒற்றிஎம் பெருமான் 

தில்லை ஓங்கிய சிவானந்தத் தேனே    
1135
வஞ்ச நெஞ்சர்தம் சேர்க்கையைத் துறந்து 

வள்ளல் உன்திரு மலரடி ஏத்தி 
விஞ்சு நெஞ்சர்தம் அடித்துணைக் கேவல் 

விரும்பி நிற்கும்அப் பெரும்பயன் பெறவே 
தஞ்சம் என்றருள் நின்திருக் கோயில் 

சார்ந்து நின்றனன் தருதல்மற் றின்றோ 
செஞ்சொல் ஓங்கிய ஒற்றிஎம் பெருமான் 

தில்லை ஓங்கிய சிவானந்தத் தேனே