1356
நோய்கள் கொண்டிடும் 
பேய்கள் பற்பலர் 
தூய்தன் ஒற்றியூர்க் 
கேய்தல் இல்லையே    
1357
இல்லை இல்லைகாண் 
ஒல்லை ஒற்றியூர் 
எல்லை சேரவே 
அல்லல் என்பதே    
1358
அல்லல் என்பதேன் 
தொல்லை நெஞ்சமே 
மல்லல் ஒற்றியூர் 
எல்லை சென்றுமே    
1359
சென்று வாழ்த்துதி 
நன்று நெஞ்சமே 
என்றும் நல்வளம் 
ஒன்றும் ஒற்றியே    
டீயஉம

--------------------------------------------------------------------------------


 தவத்திறம் போற்றல் 
திருவொற்றியூர் 

அறுசீர்க் கழிநெடிலடி ஆசிரிய விருத்தம் 
1360
வில்வத் தொடும்பொன் கொன்றைஅணி வேணிப் பெருமான் ஒற்றிநகர் 
செல்வப் பெருமான் சிவபெருமான் தியாகப் பெருமான் திருஅழகைக் 
கல்வைப் புடைய மனம்களிக்கக் கண்கள் களிக்கக் கண்டுநின்றேன் 
இல்வைப் புடையேன் அம்மாநான் என்ன தவந்தான் செய்தேனோ