وھدے کہ رحم ءُ کرم نہ بیت گڑا زانت ءُ مھر پیداک نہ بنت ءُ وھدے کہ پیداک نہ بنت گڑا نقطہ نظر، یکوئی ءُ نیک راھی پدر نہ بنت ءُ وھدے کہ پدر نہ بنت گڑا سادہیں زندگیں ھستی حسد ءُ دگہ چیزانی سوب ءَ زبردستیں ھستیانی دیم ءَ رکاوٹ ءُ ھلاس بنت۔
پدا مھکمیں ھستیانی اخلاق ھم بے اخلاق بیت ءُ یکے ءِ اخلاق چہ دومی ءِ تکبر ءَ پریشان بیت ءُ ھلاس بیت۔ جنگل ءَ کہ شیر ءُ شیر ءِ وڑیں ھرابیں جانور زندگ بنت آ جنگل ءَ ھچ وڑیں اخلاقیات نیست۔
ھمے پیم ءَ اے گپ ءَ ھم سرپد بوھگی اِنت کہ ھما جاھاں کہ رحم ءُ نیک راھی ءِ کمی ءِ آماچیں مردم نشتگ اَنت، دنیاوی اخلاقیات ءِ ھست بوھگ نا ممکن اِنت۔