Vallalar.Net
Vallalar.Net

அடியனேன்

பாடல் எண் :2164
அடியனேன் பிழையனைத்தும் பொறுத்தாட் கொண்ட

அருட்கடலே மன்றோங்கும் அரசே இந்நாள்
கொடியனேன் செய்பிழையைத் திருவுள் ளத்தே

கொள்ளுதியோ கொண்டுகுலங் குறிப்ப துண்டோ 
நெடியனே முதற்கடவுட் சமுகத் தோர்தம்

நெடும்பிழைகள் ஆயிரமும் பொறுத்து மாயை
ஒடியநேர் நின்றபெருங் கருணை வள்ளல்

எனமறைகள் ஓதுவதிங் குனைத்தா னன்றே
பாடல் எண் :2589
அடியனேன் பிழைகள் பொறுத்தருள் போற்றி

அயல்எனை விட்டிடேல் போற்றி
கொடியனேற் கின்பந் தந்தருள் போற்றி

குணப்பெருங் குன்றமே போற்றி
நெடியஎன் துன்பந் துடைத்தருள் போற்றி

நினைஅலால் பிறிதிலேன் போற்றி
படிமிசைப் பிறர்பால் செலுத்திடேல் எங்கள்

பரமநின் அடைக்கலம் நானே
பாடல் எண் :3534
அடியனேன் உள்ளம் திருச்சிற்றம் பலத்தென் 

அமுதநின் மேல்வைத்த காதல்
நெடியஏழ் கடலில் பெரிதெனக் கிந்நாள் 

நிகழ்கின்ற ஆவலும் விரைவும்
படியஎன் தன்னால் சொலமுடி யாது 

பார்ப்பறப் பார்த்திருக் கின்றேன்
செடியனேன் இருக்கும் வண்ணங்கள் எல்லாம் 

திருவுளங் கண்டதே எந்தாய்
பாடல் எண் :3885
அடியனேன் பொருட்டிவ் வவனிமேல் கருணை 

அருள்வடி வெடுத்தெழுந் தருளி 
நெடியனே முதலோர் பெறற்கரும் சித்தி 

நிலைஎலாம் அளித்தமா நிதியே 
மடிவுறா தென்றும் சுத்தசன் மார்க்கம் 

வயங்கநல் வரந்தந்த வாழ்வே 
பொடிஅணி கனகப் பொருப்பொளிர் நெருப்பே 

பொதுநடம் புரிகின்ற பொருளே