Vallalar.Net
Vallalar.Net

அண்டவகை

பாடல் எண் :3111
அண்டவகை பிண்டவகை அனைத்தும்உதித் தொடுங்கும்

அணிமலர்ச்சே வடிவருத்தம் அடையநடந் தருளிக்
கண்டவருங் காணாத நடுஇரவு தனில்யான்

கருதுமிடத் தடைந்துகத வந்திறக்கப் புரிந்து
தொண்டனென எனையும்அழைத் தென்கையில்ஒன் றளித்தாய்

துரையேநின் அருட்பெருமைத் தொண்மையைஎன் என்பேன்
உண்டவர்கள் உணுந்தோறும் உவட்டாத அமுதே

உயர்பொதுவில் இன்பநடம் உடையபரம் பொருளே
பாடல் எண் :4169
அண்டவகை எவ்வளவோ அவ்வளவும் அவற்றில் 

அமைந்தஉயிர் எவ்வளவோ அவ்வளவும் அவைகள் 
கண்டபொருள் எவ்வளவோ அவ்வளவும் அவற்றில் 

கலந்தகலப் பெவ்வளவோ அவ்வளவும் நிறைந்தே 
விண்தகும்ஓர் நாதவெளி சுத்தவெளி மோன 

வெளிஞான வெளிமுதலாம் வெளிகளெலாம் நிரம்பிக் 
கொண்டதுவாய் விளங்குகின்ற சுத்தசிவ மயமே 

குலவுநடத் தரசேஎன் குற்றமும்கொண் டருளே