Vallalar.Net
Vallalar.Net

அன்புடை

பாடல் எண் :4856
அன்புடை மகனே மெய்யருள் திருவை 

அண்டர்கள் வியப்புற நினக்கே 
இன்புடை உரிமை மணம்புரி விப்பாம் 

இரண்டரைக் கடிகையில் விரைந்தே 
துன்புடை யவைகள் முழுவதும் தவிர்ந்தே 

தூய்மைசேர் நன்மணக் கோலம் 
பொன்புடை விளங்கப் புனைந்துகொள் என்றார் 

பொதுநடம் புரிகின்றார் தாமே
பாடல் எண் :5438
அன்புடை யவரேஎல் லாம்உடை யவரே 

அருட்பெருஞ் சோதிஎன் ஆண்டவ ரேஎன் 
வன்புடை மனத்தைநன் மனமாக்கி எனது 

வசஞ்செய்வித் தருளிய மணிமன்றத் தவரே 
இன்புடை யவரேஎன் இறையவ ரேஎன் 

இருகணுள் மணிகளுள் இசைந்திருந் தவரே 
என்புடை எனைத்தூக்கி எடுத்தீர்இங் கிதனை 

எண்ணுகின் றேன்அமு துண்ணுகின் றேனே