அப்பா

அப்பா எனக்கெய்ப்பில் வைப்பாய் இருக்கின்ற ஆரமுதே 
இப்பாரில் என்தன்னை நீயே வருவித் திசைவுடனே 
தப்பாத தந்திரம் மந்திரம் யாவையும் தந்துலகில் 
வெப்பா னதுதவிர்த் தைந்தொழில் செய்ய விதித்தனையே

அப்பா நின்னை அன்றி எங்கும் அணைப்பார் இல்லை யே 
அந்தோ நின்னை அன்றி எங்கும் அருள்வார் இல்லை யே 
எப்பா லவர்க்கும் நின்னை அன்றி இறைமை இல்லை யே 
எனக்கும் நின்மே லன்றி உலகில் இச்சை இல்லை யே  எனக்கும் உனக்கும்

அப்பா நின்னை அடைந்த என்னை ஒப்பார் யாவ ரே 
ஆறா றகன்ற நிலையை அடைந்தான் என்பர் தேவ ரே 
இப்பா ராதி பூதம் அடங்குங் காலும் நின்னை யே 
ஏத்திக் களித்து வாழ்வேன் இதற்கும் ஐய மென்னை யே  எனக்கும் உனக்கும்