Vallalar.Net
Vallalar.Net

அருளாளர்

பாடல் எண் :5626
அருளாளர் பொற்பொதுவில் அற்புதநா டகஞ்செய் 

ஆனந்த வண்ணர்எனை ஆளுடையார் சிறியேன் 
தெருளாத பருவத்தே தெருட்டிமணம் புரிந்த 

சீராளர் அவர்பெருமைத் திறத்தைஎவர் புகல்வார் 
மருளாத ஆகமங்கள் மாமறைகள் எல்லாம் 

மருண்டனவே என்னடிஎன் மனவாக்கின் அளவோ 
இருளாமை என்றுறுமோ அன்றுசிறி துரைப்பேன் 

என்னவும்நாண் ஈர்ப்பதிதற் கென்புரிவேன் தோழி
பாடல் எண் :5737
அருளாளர் வருகின்ற தருணம்இது தோழி 

ஆயிரம்ஆ யிரங்கோடி அணிவிளக்கேற் றிடுக 
தெருளாய பசுநெய்யே விடுகமற்றை நெய்யேல் 

திருமேனிக் கொருமாசு செய்தாலும் செய்யும் 
இருள்ஏது காலைவிளக் கேற்றிடவேண் டுவதோ 

என்னாதே மங்கலமா ஏற்றுதலாங் கண்டாய் 
மருளேல்அங் கவர்மேனி விளக்கமதெண் கடந்த 

மதிகதிர்செங் கனல்கூடிற் றென்னினும்சா லாதே
பாடல் எண் :5748
அருளாளர் பொற்பொதுவில் ஆனந்த நடஞ்செய் 

ஆனந்த வண்ணர்எனை ஆளுடையார் நான்தான் 
தெருளாத பருவத்தே தெருட்டிமணம் புரிந்த 

திருவாளர் அவர்பெருமைத் திறத்தைஎவர் புகல்வார் 
மருளாத ஆகமங்கள் மாமறைகள் எல்லாம் 
மருண்டனவேல் என்னடிநம் மனவாக்கின் அளவோ 
இருளாமை என்றுறுமோ அன்றுசிறி துரைப்பாம் 

என்னவும்நாண் ஈர்ப்பதிதற் கென்புரிவேன் தோழி