Vallalar.Net
Vallalar.Net

அருளுடையார்

பாடல் எண் :4164
அருளுடையார் எல்லாரும் சமரசசன் மார்க்கம் 

அடைந்தவரே ஆதலினால் அவருடனே கூடித் 
தெருளுடைய அருள்நெறியில் களித்துவிளை யாடிச் 

செழித்திடுக வாழ்கஎனச் செப்பியசற் குருவே 
பொருளுடைய பெருங்கருணைப் பூரணமெய்ச் சிவமே 

போதாந்த முதல்ஆறும் நிறைந்தொளிரும் ஒளியே 
மருளுடையார் தமக்குமருள் நீக்கமணிப் பொதுவில் 

வயங்குநடத் தரசேஎன் மாலையும்ஏற் றருளே
பாடல் எண் :5791
அருளுடையார் எனையுடையார் அம்பலத்தே நடிக்கும் 

அழகர்எலாம் வல்லவர்தாம் அணைந்தருளும் காலம் 
இருளுடைய இரவகத்தே எய்தாது கண்டாய் 

எதனால்என் றெண்ணுதியேல் இயம்புவன்கேள் மடவாய் 
தெருளுடைஎன் தனித்தலைவர் திருமேனிச் சோதி 

செப்புறுபார் முதல்நாத பரியந்தம் கடந்தே 
அருளுறும்ஓர் பரநாத வெளிகடந்தப் பாலும் 

அப்பாலும் விளங்குமடி அகம்புறத்தும் நிறைந்தே