Vallalar.Net
Vallalar.Net

அருளே

பாடல் எண் :1347
அருளே வடிவாய் அம்பலத்தே ஆடும் பெருமான் அடிகள்தமைத் 
தெருளே வடிவாம் அடியவர்போல் சிறியேன் கண்டேன் சீர்உற்றேன் 
மருளே வடிவேன் ஆதலினால் மறந்தே பிரிந்தே மதிகெட்டேன் 
இருளேர் மனத்தேன் அவர்தமைநான் இன்னும் ஒருகால் காண்பேனோ
பாடல் எண் :2811
அருளே அறிவே அன்பேதெள் ளமுதே மாதர் அரசேமெய்ப்
பொருளே தெருளே மாற்றறியாப் பொன்னே மின்னே பூங்கிளியே
இருளேய் மனத்தில் எய்தாத இன்பப் பெருக்கே இவ்வடியேன்
மருளே தவிர்த்த சிவகாம வல்லி நினக்கே வந்தனமே  
 கட்டளைக் கலித்துறை
பாடல் எண் :3598
அருளே வடிவாம் அரசேநீ 

அருளா விடில்இவ் வடியேனுக் 
கிருளே தொலைய அருளளிப்பார் 

எவரே எல்லாம் வல்லோய்நின் 
பொருளேய் வடிவிற் கலைஒன்றே 

புறத்தும் அகத்தும் புணர்ந்தெங்குந் 
தெருளே யுறஎத் தலைவருக்குஞ் 

சிறந்த அருளாய்த் திகழ்வதுவே
பாடல் எண் :4057
அருளே பழுத்த சிவதருவில்அளிந்த பழந்தந் தடியேனைத் 
தெருளே சிற்றம் பலவாநின் செல்வப் பிள்ளை ஆக்கினையே 
மருளே முதலாம் தடைஎல்லாம்தீர்ந்தேன் நின்பால் வளர்கின்றேன் 
பொருளே இனிநின் தனைப்பாடிஆடும் வண்ணம் புகலுகவே
பாடல் எண் :5479
அருளே உணர்த்த அறிந்துகொண்டேன் 

அடுத்த தருணம் இதுஎன்றே 
இருளே தொலைந்த திடர்அனைத்தும் 

எனைவிட் டகன்றே ஒழிந்தனவால் 
தெருளே சிற்றம் பலத்தாடும் 

சிவமே எல்லாம் செய்யவல்ல 
பொருளே இனிநான் வீண்போது 

போக்க மாட்டேன் கண்டாயே