Vallalar.Net
Vallalar.Net

அருள்பழுக்கும்

பாடல் எண் :1373
அருள்பழுக்கும் கற்பகமே அரசே முக்கண் 
ஆரமுதே நினைப்புகழேன் அந்தோ வஞ்ச 
மருள்பழுக்கும் நெஞ்சகத்தேன் வாளா நாளை 
வாதமிட்டுக் கழிக்கின்றேன் மதியி லேனை 
வெருள்பழுக்கும் கடுங்காட்டில் விடினும் ஆற்று 
வெள்ளத்தில் அடித்தேக விடினும் பொல்லா 
இருள்பழுக்கும் பிலஞ்சேர விடினும் அன்றி 
என்செயினும் போதாதே எந்தாய் எந்தாய்