Vallalar.Net
Vallalar.Net

ஆரணமும்

பாடல் எண் :3050
ஆரணமும் ஆகமமும் எதுதுணிந்த ததுவே

அம்பலத்தில் ஆடுகின்ற ஆட்டமென எனக்குக்
காரணமுங் காரியமும் புலப்படவே தெரித்தாய்

கண்ணுதலே இங்கிதற்குக் கைம்மாறொன் றறியேன்
பூரணநின் அடித்தொண்டு புரிகின்ற சிறியேன்

போற்றிசிவ போற்றிஎனப் போற்றிமகிழ் கின்றேன்
நாரணநான் முகன்முதலோர் காண்பரும்அந் நடத்தை

நாயடியேன் இதயத்தில் நவிற்றியருள் வாயே
பாடல் எண் :4697
ஆரணமும் ஆகமமும் ஆங்காங் குணர்த்துகின்ற 
காரணமும் காரியமும் காட்டுவித்தான் - பூரணன்சிற் 
றம்பலத்தான் என்னாசை அப்பன் எலாம்வல்ல 
செம்பலத்தை என்உளத்தே சேர்த்து
பாடல் எண் :5505
ஆரணமும் ஆகமமும் ஆங்காங் குரைக்கின்ற 
காரணமும் காரியமும் காட்டுவித்தான் - தாரணியில் 
கண்டேன் களிக்கின்றேன் கங்குல்பகல் அற்றவிடத் 
துண்டேன் அமுதம் உவந்து