Vallalar.Net
Vallalar.Net

உணர்ந்தவர்

பாடல் எண் :3734
உணர்ந்தவர் உளத்தை உகந்தவா இயற்கை உண்மையே உருவதாய் இன்பம் 
புணர்ந்திட எனைத்தான் புணர்ந்தவா ஞானப் பொதுவிலே பொதுநடம் புரிந்தெண் 
குணந்திகழ்ந் தோங்கும் குணத்தவா குணமும் குறிகளும் கோலமும் குலமும் 
தணந்தசன் மார்க்கத் தனிநிலை நிறுத்தும் தக்கவா மிக்கவாழ் வருளே
பாடல் எண் :3957
உணர்ந்தவர் உளம்போன் றென்னுளத் தமர்ந்த 

ஒருபெரும் பதியைஎன் உவப்பைப் 
புணர்ந்தெனைக் கலந்த போகத்தை எனது 

பொருளைஎன் புண்ணியப் பயனைக் 
கொணர்ந்தொரு பொருள்என் கரத்திலே கொடுத்த 

குருவைஎண் குணப்பெருங் குன்றை 
மணந்தசெங் குவளை மலர்எனக் களித்த 

வள்ளலைக் கண்டுகொண் டேனே
பாடல் எண் :5680
உணர்ந்தவர் தமக்கும் உணர்வரி யான்என் 

உள்ளகத் தமர்ந்தனன் என்றாள் 
அணிந்தனன் எனக்கே அருண்மண மாலை 

அதிசயம் அதிசயம் என்றாள் 
துணிந்துநான் தனித்த போதுவந் தென்கை 

தொட்டனன் பிடித்தனன் என்றாள் 
புணர்ந்தனன் கலந்தான் என்றுளே களித்துப் 

பொங்கினாள் நான்பெற்ற பொன்னே