Vallalar.Net
Vallalar.Net

உய்ய

பாடல் எண் :1074
உய்ய ஒன்றிலேன் பொய்யன்என் பதனை 

ஒளித்தி லேன்இந்த ஒதியனுக் கருள்நீ 
செய்ய வேண்டுவ தின்றெனில் சிவனே 

செய்வ தென்னைநான் திகைப்பதை அன்றி 
மையல் நெஞ்சினேன் ஆயினும் உன்னை 

மறந்தி லேன்இது வஞ்சமும் அன்றே 
செய்ய மேனிஎம் ஒற்றியூர் வாழ்வே 

திருச்சிற் றம்பலம் திகழ்ஒளி விளக்கே
பாடல் எண் :1079
உய்ய வல்லனேல் உன்திரு அருளாம் 

உடைமை வேண்டும்அவ் உடைமையைத் தேடல் 
செய்ய வல்லனோ அல்லகாண் சிவனே 

செய்வ தென்னைநான் சிறியருள் சிறியேன் 
பெய்ய வல்லநின் திருவருள் நோக்கம் 

பெறவி ழைந்தனன் பிறஒன்றும் விரும்பேன் 
பொய்யி தல்லஎம் ஒற்றிஅம் பரனே 

போற்றும் யாவர்க்கும் பொதுவில்நின் றவனே