Vallalar.Net
Vallalar.Net

என்னுடைய

பாடல் எண் :5406
என்னுடைய விண்ணப்பம் இதுகேட்க எம்பெருமான் 
நின்னுடைய பெருங்கருணை நிதிஉடையேன் ஆதலினால் 
பொன்னுடையான் அயன்முதலாம் புங்கவரை வியவேன்என் 
தன்னுடைய செயலெல்லாம் தம்பிரான் செயலன்றே
பாடல் எண் :5708
என்னுடைய தனிக்கணவர் அருட்ஸோதி உண்மை 

யான்அறிவேன் உலகவர்கள் எங்ஙனம்கண் டறிவார் 
உன்னல்அற உண்ணுதற்கும் உறங்குதற்கும் அறிவார் 

உலம்புதல்கேட் டையமுறேல் ஓங்கியமா ளிகையைத் 
துன்னுறும்மங் கலம்விளங்க அலங்கரிப்பாய் இங்கே 

தூங்குதலால் என்னபலன் சோர்வடையேல் பொதுவில் 
தன்னுடைய நடம்புரியும் தலைவர்திரு ஆணை 

சத்தியம்சத் தியம்மாதே சத்தியம்சத் தியமே
பாடல் எண் :5787
என்னுடைய தனித்தோழி இதுகேள்நீ மயங்கேல் 

எல்லாஞ்செய் வல்லவர்என் இன்னுயிர்நா யகனார் 
தன்னுடைய திருத்தோளை நான்தழுவும் தருணம் 

தனித்தசிவ சாக்கிரம்என் றினித்தநிலை கண்டாய் 
பன்னும்இந்த நிலைபரசாக் கிரமாக உணரேல் 

பகர்பரசாக் கிரம்அடங்கும் பதியாகும் புணர்ந்து 
மன்னுநிலை மற்றிரண்டும் கடந்தகுரு துரிய 

மாநிலைஎன் றுணர்கஒளிர் மேனிலையில் இருந்தே