Vallalar.Net
Vallalar.Net

என்னுயிரில்

பாடல் எண் :3019
என்னுயிரில் கலந்துகலந் தினிக்கின்ற பெருமான்

என்இறைவன் பொதுவில்நடம் இயற்றும்நட ராஜன்
தன்னைஅறி யாப்பருவத் தென்னைமணம் புரிந்தான்

தனைஅறிந்த பருவத்தே எனைஅறிய விரும்பான்
பின்னைஅன்றி முன்னும்ஒரு பிழைபுரிந்தேன் இல்லை

பெண்பரிதா பங்காணல் பெருந்தகைக்கும் அழகோ
கன்னல்என்றால் கைக்கின்ற கணக்கும்உண்டோ அவன்றன்

கணக்கறிந்தும் விடுவேனோ கண்டாய்என் தோழீ
பாடல் எண் :4208
என்னுயிரில் கலந்துகொண்டார் வரில்அவர்தாம் இருக்க 

இடம்புனைக என்கின்றாள் இச்சைமய மாகித் 
தன்னுயிர்தன் உடல்மறந்தாள் இருந்தறியாள் படுத்தும் 

தரித்தறியாள் எழுந்தெழுந்து தனித்தொருசார் திரிவாள் 
அன்னமுண அழைத்தாலும் கேட்பதிலாள் உலகில் 

அணங்கனையார் அதிசயிக்கும் குணங்கள்பல பெற்றாள் 
மின்னிவளை விழைவதுண்டேல் வாய்மலர வேண்டும் 

மெய்ப்பொதுவில் நடம்புரியும் மிகப்பெரிய துரையே