Vallalar.Net
Vallalar.Net

எல்லாஞ்செய்

பாடல் எண் :3905
எல்லாஞ்செய் வல்லதெய்வம் எங்கும்நிறை தெய்வம் 

என்னுயிரில் கலந்தெனக்கே இன்பநல்கும் தெய்வம் 
நல்லார்க்கு நல்லதெய்வம் நடுவான தெய்வம் 

நற்சபையில் ஆடுகின்ற நடராசத் தெய்வம் 
கல்லார்க்குங் கற்றவர்க்குங் களிப்பருளுந் தெய்வம் 

காரணமாந் தெய்வம்அருட் பூரணமாந் தெய்வம் 
செல்லாத நிலைகளெலாஞ் செல்லுகின்ற தெய்வம் 

சிற்சபையில் விளங்குகின்ற தெய்வமதே தெய்வம்
பாடல் எண் :4213
எல்லாஞ்செய் வல்லதுரை என்கணவர் என்றால் 

எனக்கும்ஒன்று நினக்கும்ஒன்றா என்றஅத னாலோ 
இல்லாமை எனக்கில்லை எல்லார்க்குந் தருவேன் 

என்றுசொன்னேன் இதனாலோ எதனாலோ அறியேன் 
கல்லார்போல் என்னைமுகம் கடுத்துநின்றாள் பாங்கி 

களித்தெடுத்து வளர்த்தவளும் கலந்தனள்அங் குடனே 
செல்லாமை சிலபுகன்று சிரிக்கின்றார் மடவார் 

சித்தர்நட ராயர்திருச் சித்தமறிந் திலனே
பாடல் எண் :4878
எல்லாஞ்செய் வல்லதனிப் பெருந்தலைமைச் சித்தன் 

எனமறைஆ கமம்புகலும் என்இறைவன் மகிழ்ந்தே 
நல்லார்கள் வியக்கஎனக் கிசைத்தபடி இங்கே 

நான்உனக்கு மொழிகின்றேன் நன்றறிவாய் மனனே 
பல்லாரும் களிப்படையப் பகல்இரவும் தோற்றாப் 

பண்பின்அருட் பெருஞ்ஸோதி நண்பினொடு நமக்கே 
எல்லாநன் மைகளும்உற வருதருணம் இதுவே 

இவ்வுலகம் உணர்ந்திடநீ இசைத்திடுக விரைந்தே
பாடல் எண் :5716
எல்லாஞ்செய் வல்லதுரை என்னைமணம் புரிந்தார் 

எவ்வுலகில் யார்எனக்கிங் கீடுரைநீ தோழீ 
நல்லாய்மீக் கோளுடையார் இந்திரர்மா முனிவர் 

நான்முகர்நா ரணர்எல்லாம் வான்முகராய் நின்றே 
பல்லாரில் இவள்புரிந்த பெருந்தவத்தை நம்மால் 

பகர்வரிதென் கின்றார்சிற் பதியில்நடம் புரியும் 
வல்லானை மணந்திடவும் பெற்றனள்இங் கிவளே 

வல்லாள்என் றுரைக்கின்றார் நல்லார்கள் பலரே