Vallalar.Net
Vallalar.Net

எவ்வுலகும்

பாடல் எண் :3142
எவ்வுலகும் எவ்வுயிரும் எச்செயலும் தோன்றி

இயங்கும்இட மாகிஎல்லாம் முயங்கும்இட மாகித்
தெவ்வுலகும் நண்புலகுஞ் சமனாகக் கண்ட

சித்தர்கள்தம் சித்தத்தே தித்திக்கும் பதங்கள்
இவ்வுலகில் வருந்தநடந் தென்பொருட்டால் இரவில்

எழிற்கதவந் திறப்பித்தங் கென்கையில்ஒன் றளித்தாய்
அவ்வுலக முதல்உலகம் அனைத்துமகிழ்ந் தேத்த

அம்பலத்தே நடம்புரியும் செம்பவளக் குன்றே
பாடல் எண் :3666
எவ்வுலகும் எவ்வுயிரும் எப்பொருளும் உடையதாய் எல்லாஞ்செய் வல்லதாகி 

இயற்கையே உண்மையாய் இயற்கையே அறிவாய் இயற்கையே இன்பமாகி 
அவ்வையின் அனாதியே பாசமில தாய்ச்சுத்த அருளாகி அருள்வெளியிலே 

அருள்நெறி விளங்கவே அருள்நடம் செய்தருள் அருட்பெருஞ் சோதியாகிக் 
கவ்வைஅறு தனிமுதற் கடவுளாய் ஓங்குமெய்க் காட்சியே கருணைநிறைவே 

கண்ணேஎன் அன்பிற் கலந்தெனை வளர்க்கின்ற கதியே கனிந்தகனியே 
வௌ;வினை தவிர்த்தொரு விளக்கேற்றி என்னு வீற்றிருந் தருளும்அரசே 

மெய்ஞ்ஞான நிலைநின்ற விஞ்ஞான கலர்உளே மேவுநட ராசபதியே
பாடல் எண் :5514
எவ்வுலகும் அண்டங்கள் எத்தனையும் நான்காண 
இவ்வுலகில் எந்தை எனக்களித்தான் - எவ்வுயிரும் 
சன்மார்க்க சங்கம் தனைஅடையச் செய்வித்தே 
என்மார்க்கம் காண்பேன் இனி