Vallalar.Net
Vallalar.Net

ஐயநான்

பாடல் எண் :3485
ஐயநான் ஆடும் பருவத்திற் றானே 

அடுத்தநன் னேயனோ டப்பா
பொய்யுல காசை எனக்கிலை உனக்கென் 

புகல்என அவனும்அங் கிசைந்தே
மெய்யுறத் துறப்போம் என்றுபோய் நினது 

மெய்யருள் மீட்டிட மீண்டேம்
துய்யநின் உள்ளம் அறிந்ததே எந்தாய் 

இன்றுநான் சொல்லுவ தென்னே
பாடல் எண் :3539
ஐயநான் பயத்தால் துயரினால் அடைந்த 

அடைவைஉள் நினைத்திடுந் தோறும்
வெய்யதீ மூட்டி விடுதல் ஒப் பதுநான் 

மிகஇவற் றால்இளைத் திட்டேன்
வையமேல் இனிநான் இவைகளால் இளைக்க 

வசமிலேன் இவைஎலாம் தவிர்த்தே
உய்யவைப் பாயேல் இருக்கின்றேன் இலையேல் 

உயிர்விடு கின்றனன் இன்றே  
  விடுத்தல் - முதற்பதிப்பு, பொ சு,ச மு க, பி இரா பதிப்பு