Vallalar.Net
Vallalar.Net

கடையேன்

பாடல் எண் :182
கடையேன் வஞ்ச நெஞ்சகத்தால் கலுழ்கின் னேன்நின் திருக்கருணை
அடையேன் அவமே திரிகின்றேன் அந்தோ சிறிதும் அறிவில்லேன்
விடையே றீசன் புயம்படும்உன் விரைத்தாள் கமலம் பெறுவேனோ
கொடைஏர் அருளைத் தருமுகிலே கோவே தணிகைக் குலமணியே
பாடல் எண் :4777
கடையேன் புரிந்த குற்றமெலாம் 

கருதா தென்னுட் கலந்துகொண்டு 
தடையே முழுதும் தவிர்த்தருளித் 

தனித்த ஞான அமுதளித்துப் 
புடையே இருத்தி அருட்சித்திப் 

பூவை தனையும் புணர்த்திஅருட் 
கொடையே கொடுத்தாய் நின்தனக்குக் 

கைம்மா றேது கொடுப்பேனே
பாடல் எண் :4867
கடையேன் உள்ளக் கவலைஎலாம் கழற்றிக் கருணை அமுதளித்தென் 
புடையே அகத்தும் புறத்தும்அகப் புறத்தும் விளங்கும் புண்ணியனே 
தடையே தவிர்க்கும் கனகசபைத் தலைவா ஞான சபாபதியே 
அடையேன் உலகைஉனை அடைந்தேன் அடியேன்உன்றன் அடைக்கலமே