Vallalar.Net
Vallalar.Net

கண்டேன்

பாடல் எண் :3896
கண்டேன் களித்தேன் கருணைத் திருஅமுதம் 
உண்டேன் உயர்நிலைமேல் ஓங்குகின்றேன் - கொண்டேன் 
அழியாத் திருஉருவம் அச்சோஎஞ் ஞான்றும் 
அழியாச்சிற் றம்பலத்தே யான்
பாடல் எண் :3900
கண்டேன் களித்தேன் கருணைத் திருஅமுதம் 
உண்டேன் அழியா உரம்() பெற்றேன் - பண்டே 
எனைஉவந்து கொண்டான் எழில்ஞான மன்றம் 
தனைஉவந்து கொண்டான் தனை   

 () வரம் - படிவேறுபாடு ஆ பா
பாடல் எண் :4687
கண்டேன் அருட்பெருஞ் சோதியைக் கண்களில் கண்டுகளி 
கொண்டேன் சிவானந்தக் கூத்தாடிக் கொண்டிக் குவலயத்தே 
தொண்டே திருஅம் பலந்தனக் காக்கிச் சுகஅமுதம் 
உண்டேன் உயிர்தழைத் தோங்குகின் றேன்உள் உவப்புறவே
பாடல் எண் :5413
கண்டேன் சிற்றம்பலத் தானந்த நாடகம் கண்டுகளி 
கொண்டேன் எல்லாம்வல்ல சித்தனைக் கூடிக் குலவிஅமு 
துண்டேன் மெய்ஞ்ஞான உருஅடைந் தேன்பொய் உலகொழுக்கம் 
விண்டேன் சமரச சன்மார்க்கம் பெற்ற வியப்பிதுவே