Vallalar.Net
Vallalar.Net

கண்ணார்

பாடல் எண் :406
கண்ணார் நுதலார் விடமார் களனார்
கரமார் மழுவார் களைகண்ணார்
பெண்ணார் புயனார் அயன்மாற் கரியார்
பெரியார் கைலைப் பெருமானார்
தணிகா சலனார் தணிவேலார்
எண்ணார் எளியாள் இவள்என் றெனையான்
என்செய் கேனோ இடர்கொண்டே
பாடல் எண் :597
கண்ணார் நுதலோய் பெருங்கருணைக் கடலோய் கங்கை மதிச்சடையோய்
பெண்ணார் இடத்தோய் யாவர்கட்கும் பெரியோய் கரியோன் பிரமனொடும்
அண்ணா எனநின் றேத்தெடுப்ப அமர்ந்தோய் நின்றன் அடிமலரை
எண்ணா துழல்வோர் சார்பாக இருக்கத் தரியேன் எளியேனே
பாடல் எண் :1161
கண்ணார் அமுதே கரும்பேஎன் கண்ணேஎன் 
அண்ணாஉன் பொன்னருள்தான் ஆர்ந்திடுமோ அல்லதென்றும் 
நண்ணாதோ யாது நணுகுமோ என்றுருகி 
எண்ணாதும் எண்ணும்இந்த எழைமுகம் பாராயோ
பாடல் எண் :1551
கண்ணார் நுதலார் மணிகண்டர் 

கனக வரையாங் கனசிலையார் 
பெண்ணார் பாகர் தியாகர்எனப் 

பேசும் அருமைப் பெருமானார் 
தண்ணார் பொழில்சூழ் ஒற்றிதனில் 

சார்ந்தார் பவனி என்றனர்நான் 
நண்ணா முன்னம் என்மனந்தான் 

நாடி அவர்முன் சென்றதுவே
பாடல் எண் :2279
கண்ணார் நுதற்செங் கரும்பேநின் பொன்னருட் கான்மலரை
எண்ணாத பாவிஇங் கேன்பிறந் தேன்நினை ஏத்துகின்றோர்
உண்ணாத ஊணும் உடுக்கா உடையும் உணர்ச்சிசற்றும்
நண்ணாத நெஞ்சமும் கொண்டுல கோர்முன்னர் நாணுறவே
பாடல் எண் :3583
கண்ணார் அமுதக் கடலேஎன் 

கண்ணே கண்ணுட் கருமணியே 
தண்ணார் மதியே கதிர்பரப்பித் 

தழைத்த சுடரே தனிக்கனலே 
எண்ணா டரிய பெரியஅண்டம் 

எல்லாம் நிறைந்த அருட்சோதி 
அண்ணா அரசே இனிச்சிறிதும் 

ஆற்ற மாட்டேன் கண்டாயே