Vallalar.Net
Vallalar.Net

கனமுடையேம்

பாடல் எண் :5573
கனமுடையேம் கட்டுடையேம் என்றுநினைத் திங்கே 

களித்திறுமாந் திருக்கின்றீர் ஒளிப்பிடமும் அறியீர் 
சினமுடைய கூற்றுவரும் செய்திஅறி யீரோ 

செத்தநும தினத்தாரைச் சிறிதும்நினை யீரோ 
தினகரன்போல் சாகாத தேகமுடை யவரே 

திருவுடையார் எனஅறிந்தே சேர்ந்திடுமின் ஈண்டே 
மனமகிழ்ந்து கேட்கின்ற வரமெல்லாம் எனக்கே 

வழங்குதற்கென் தனித்தந்தை வருதருணம் இதுவே