Vallalar.Net
Vallalar.Net

கருத்தில்

பாடல் எண் :4629
கருத்தில் கருதிக் கொண்டஎலாம் கணத்தில் புரிய எனக்கேமெய்க் 

காட்சி ஞானக் கண்கொடுத்த கண்ணே விடயக் கானகத்தே 
எருத்தில் திரிந்த கடையேனை எல்லா உலகும் தொழநிலைமேல் 

ஏற்றி நீயும் நானும்ஒன்றாய் இருக்கப் புரிந்தாய் எந்தாயே 
இருத்திக் கருத்தில் உன்தயவை எண்ணுந் தோறும் அந்தோஎன் 

இதயம் உருகித் தளதளஎன் றிளகி இளகித் தண்ணீராய் 
அருத்திப் பெருநீர் ஆற்றொடுசேர்ந் தன்புப் பெருக்கில் கலந்ததுநான் 

அதுஎன் றொன்றும் தோற்றாதே அச்சோ அச்சோ அச்சோவே