Vallalar.Net
Vallalar.Net

கலைவளர்

பாடல் எண் :3889
கலைவளர் கலையே கலையினுட் கலையே 

கலைஎலாம் தரும்ஒரு கருவே 
நிலைவளர் கருவுட் கருஎன வயங்கும் 

நித்திய வானமே ஞான 
மலைவளர் மருந்தே மருந்துறு பலனே 

மாபலம் தருகின்ற வாழ்வே 
புலைதவிர்த் தெனையும் பொருளெனக் கொண்டு 

பொதுநடம் புரிகின்ற பொருளே
பாடல் எண் :5380
கலைவளர் முடிய தென்னைஆட் கொண்ட 

கருணையங் கண்ணது ஞான 
நிலைவளர் பொருள துலகெலாம் போற்ற 

நின்றது நிறைபெருஞ் சோதி 
மலைவளர் கின்றது அருள்வெளி நடுவே 

வயங்குவ தின்பமே மயமாய்த் 
தலைவளர் திருச்சிற் றம்பலந் தனிலே 

தனித்தெனக் கினித்ததோர் கனியே