Vallalar.Net
Vallalar.Net

கல்லார்க்கும்

பாடல் எண் :4128
கல்லார்க்கும் கற்றவர்க்கும் களிப்பருளும் களிப்பே 

காணார்க்கும் கண்டவர்க்கும் கண்ணளிக்கும் கண்ணே 
வல்லார்க்கும் மாட்டார்க்கும் வரமளிக்கும் வரமே 

மதியார்க்கும் மதிப்பவர்க்கும் மதிகொடுக்கும் மதியே 
நல்லார்க்கும் பொல்லார்க்கும் நடுநின்ற நடுவே 

நரர்களுக்கும் சுரர்களுக்கும் நலங்கொடுக்கும் நலமே 
எல்லார்க்கும் பொதுவில்நடம் இடுகின்ற சிவமே 

என்அரசே யான்புகலும் இசையும்அணிந் தருளே