Vallalar.Net
Vallalar.Net

காரண

பாடல் எண் :3891
காரண அருவே காரிய உருவே 

காரண காரியம் காட்டி 
ஆரண முடியும் ஆகம முடியும் 

அமர்ந்தொளிர் அற்புதச் சுடரே 
நாரண தலமே() நாரண வலமே 

நாரணா காரத்தின் ஞாங்கர்ப் 
பூரண ஒளிசெய் பூரண சிவமே 

பொதுநடம் புரிகின்ற பொருளே   

 () தரமே - முதற்பதிப்பு பொ சு, ஆ பா 

--------------------------------------------------------------------------------

 ஆனந்தானுபவம்
நேரிசை வெண்பா
பாடல் எண் :4645
காரண காரியக் கல்விகள் எல்லாம் 

கற்பித்தென் னுள்ளே கலந்துகொண் டென்னை 
நாரணர் நான்முகர் போற்றமேல் ஏற்றி 

நாதாந்த நாட்டுக்கோர் நாயகன் ஆக்கிப் 
பூரண மாம்இன்பம் பொங்கித் ததும்பப் 

புத்தமு தாம்அருட் போனகம் தந்தே 
ஆரண வீதியில் ஆடச்செய் தீரே 

அருட்பெருஞ் ஸோதிஎன் ஆண்டவர் நீரே