Vallalar.Net
Vallalar.Net

காலையிலே

பாடல் எண் :3893
காலையிலே நின்றன்னைக் கண்டுகொண்டேன் சன்மார்க்கச் 
சாலையிலே இன்பம் தழைக்கின்றேன் - ஞாலமிசைச் 
சாகா வரம்பெற்றேன் தத்துவத்தின் மேல்நடிக்கும் 
ஏகா நினக்கடிமை ஏற்று
பாடல் எண் :4181
காலையிலே என்றனக்கே கிடைத்தபெரும் பொருளே 

களிப்பேஎன் கருத்தகத்தே கனிந்தநறுங் கனியே 
மேலையிலே இம்மையிலே ஒருமையிலே தவத்தால் 

மேவுகின்ற பெரும்பயனாம் விளைவைஎலாம் தருமச் 
சாலையிலே ஒருபகலில் தந்ததனிப் பதியே 

சமரசசன் மார்க்கசங்கத் தலைஅமர்ந்த நிதியே 
மாலையிலே சிறந்தமொழி மாலைஅணிந் தாடும் 

மாநடத்தென் அரசேஎன் மாலையும்ஏற் றருளே
பாடல் எண் :5783
காலையிலே வருகுவர்என் கணவர்என்றே நினக்குக் 

கழறினன்நான் என்னல்அது காதில்உற்ற திலையோ 
வேலைஇலா தவள்போலே வம்பளக்கின் றாய்நீ 

விடிந்ததுநான் தனித்திருக்க வேண்டுவதா தலினால் 
சோலையிலே மலர்கொய்து தொடுத்துவந்தே புறத்தில் 

சூழ்ந்திருப்பாய் தோழிஎன்றன் துணைவர்வந்த உடனே 
ஓலைஉறா தியானவரைக் கலந்தவரும் நானும் 

ஒன்றான பின்னர்உனை அழைக்கின்றேன் உவந்தே