குற்றம்

குற்றம் எத்தனை அத்தனை எல்லாம்
குணம்எ னக்கொளம் குணக்கடல் என்றே
மற்றும் நான்நம்பி ஈங்குவந் தேற்றால்
வாய்தி றந்தொரு வார்த்தையும் சொல்லீர்
கற்ற நற்றவர்க் கேஅருள் வீரேல்
கடைய னேன்எந்தக் கடைத்தலைச் செல்கேன்
உற்ற நற்றுணை உமைஅன்றி அறியேன்
ஓங்கு சீர்ஒற்றி யூர்உடையீரே

குற்றம் செயினும் குணமாக் கொண்டருளும்
நற்றவர்தம் உள்ளம் நடுநின்ற நம்பரனே
உற்றவர்தம் நற்றுணைவா ஒற்றிஅப்பா என்கருத்து
முற்றிடநின் சந்நிதியின் முன்நின்று வாழ்த்தேனோ

குற்றம் பலசெயினுங் கோபஞ் செயாதவருள்
சிற்றம் பலமுறையுஞ் சிற்பரனே - வெற்றம்பல்
பொய்விட்டால் அன்றிப் புரந்தருளேன் என்றெனைநீ
கைவிட்டால் என்செய்கேன் காண்

குற்றம் பலஆ யினும்நீ குறியேல் 

குணமே கொளும்என் குருவே அபயம் 
பற்றம் பலமே அலதோர் நெறியும் 

பதியே அறியேன் அடியேன் அபயம் 
சுற்றம் பலவும் உனவே எனவோ 

துணைவே றிலைநின் துணையே அபயம் 
சிற்றம் பலவா அருள்வாய் இனிநான் 

சிறிதுந் தரியேன் தரியேன் அபயம்   

திருச்சிற்றம்பலம் 

--------------------------------------------------------------------------------

 பிரிவாற்றாமை 
அறுசீர்க் கழிநெடிலடி ஆசிரிய விருத்தம்

குற்றம் செயினும் குணமாகக் கொண்டுநம் 
அற்றம் தவிர்க்குநம் அப்பர் பதத்திற்கே  அபயம்

குற்றம் புரிதல் எனக்கியல்பே 

குணமாக் கொள்ளல் உனக்கியல்பே 
சிற்றம் பலவா இனிச்சிறியேன் 

செப்பும் முகமன் யாதுளது 
தெற்றென் றடியேன் சிந்தைதனைத் 

தெளிவித் தச்சந் துயர்தீர்த்தே 
இற்றைப் பொழுதே அருட்சோதி 

ஈக தருணம் இதுவாமே