கைக்கிசைந்த

கைக்கிசைந்த பொருள்எனக்கு வாய்க்கிசைந்துண் பதற்கே 

காலம்என்ன கணக்கென்ன கருதும்இடம் என்ன 
மெய்க்கிசைந்தன் றுரைத்ததுநீர் சத்தியம் சத்தியமே 

விடுவேனோ இன்றடியேன் விழற்கிறைத்தேன் அலவே 
செய்க்கிசைந்த சிவபோகம் விளைத்துணவே இறைத்தேன் 

தினந்தோறும் காத்திருந்தேன் திருவுளமே அறியும் 
மைக்கிசைந்த விழிஅம்மை சிவகாம வல்லி 

மகிழநடம் புரிகின்றீர் வந்தருள்வீர் விரைந்தே

கைக்கிசைந்த பொருளேஎன் கருத்திசைந்த கனிவே 

கண்ணேஎன் கண்களுக்கே கலந்திசைந்த கணவா 
மெய்க்கிசைந்த அணியேபொன் மேடையில்என் னுடனே 

மெய்கலந்த தருணத்தே விளைந்தபெருஞ் சுகமே 
நெய்க்கிசைந்த உணவேஎன் நெறிக்கிசைந்த நிலையே 

நித்தியமே எல்லாமாஞ் சத்தியமே உலகில் 
பொய்க்கிசைந்தார் காணாதே பொதுநடஞ்செய் அரசே 

புன்மொழிஎன் றிகழாதே புனைந்துமகிழ்ந் தருளே