Vallalar.Net
Vallalar.Net

கையாத

பாடல் எண் :56
கையாத துன்பக் கடல்முழ்கி நெஞ்சம் கலங்கிஎன்றன்
ஐயாநின் பொன்அடிக் கோலமிட் டேன்என்னை ஆண்டுகொளாய்
மையார் தடங்கண் மலைமகள் கண்டு மகிழ்செல்வமே
செய்யார் தணிகை மலைஅர சேஅயிற் செங்கையனே
பாடல் எண் :97
கையாத அன்புடையார் அங்கைமேவும்
கனியேஎன் உயிரேஎன் கண்ணே என்றும்
பொய்யாத பூரணமே தணிகை ஞானப்
பொருளேநின் பொன்அருள்இப் போதியான் பெற்றால்
உய்யாத குறைஉண்டே துயர்சொல் லாமல்
ஓடுமே யமன்பாசம் ஓய்ந்து போம்என்
ஐயாநின் அடியரொடு வாழ்கு வேன்இங்
கார்உனைஅல் லால்எனக்கின் றருள்செய் வாயே
பாடல் எண் :4143
கையாத தீங்கனியே கயக்காத அமுதே 

கரையாத கற்கண்டே புரையாத கரும்பே 
பொய்யாத பெருவாழ்வே புகையாத கனலே 

போகாத புனலேஉள் வேகாத காலே 
கொய்யாத நறுமலரே கோவாத மணியே 

குளியாத பெருமுத்தே ஒளியாத வெளியே 
செய்யாத பேருதவி செய்தபெருந் தகையே 

தெய்வநடத் தரசேஎன் சிறுமொழிஏற் றருளே