Vallalar.Net
Vallalar.Net

சத்தியமாந்

பாடல் எண் :3913
சத்தியமாந் தனித்தெய்வம் தடையறியாத் தெய்வம் 

சத்திகள்எல் லாம்விளங்கத் தானோங்கும் தெய்வம் 
நித்தியதன் மயமாகி நின்றதெய்வம் எல்லா 

நிலைகளுந்தன் அருள்வெளியில் நிலைக்கவைத்த தெய்வம் 
பத்திவலைப் படுகின்ற தெய்வம்எனக் கெல்லாப் 

பரிசுமளித் தழியாத பதத்தில்வைத்த தெய்வம் 
சித்திஎலாந் தருதெய்வம் சித்தாந்தத் தெய்வம் 

சிற்சபையில் விளங்குகின்ற தெய்வமதே தெய்வம்    

--------------------------------------------------------------------------------

 பேரானந்தப் பெருநிலை 
எழுசீர்க் கழிநெடிலடி ஆசிரிய விருத்தம்