Vallalar.Net
Vallalar.Net

சிந்தா

பாடல் எண் :842
சிந்தா மணியை நாம்பலநாள் தேடி எடுத்த செல்வமதை
இந்தார் வேணி முடிக்கனியைஇன்றே விடைமேல் வரச்செயும்காண்
அந்தோ வினையால் நெஞ்ச்நீ அஞ்சேல் என்மேல் ஆணைகண்டாய்
செந்தா மரையோன் தொழுதேத்தும் சிவாய நமஎன் றிடுநீறே
பாடல் எண் :1592
சிந்தா குலந்தீர்த் தருள்ஒற்றி 

யூர்வாழ் செல்வத் தியாகர்அவர் 
வந்தார் கண்டார் அவர்மனத்தை 

வாங்கிப் போக வரும்பவனி 
நந்தா மகிழ்வு தலைசிறப்ப 

நாடி ஓடிக் கண்டலது 
பந்தார் மலர்க்கைப் பெண்ணேநான் 

பாடல் ஆடல் பயிலேனே
பாடல் எண் :4770
சிந்தா குலத்தொடுநான் தெய்வமே என்றுநினைந் 
தந்தோ படுத்துள் அயர்வுற்றேன் - எந்தாய் 
எடுத்தாள் எனநினையா தேகிடந்தேன் என்னை 
எடுத்தாய் தயவைவிய வேன்
பாடல் எண் :5509
சிந்தா குலந்தவிர்த்துச் சிற்றம் பலப்பெருமான் 
வந்தான் எனைத்தான் வலிந்தழைத்தே - ஐந்தொழிலும் 
நீயேசெய் என்றெனக்கே நேர்ந்தளித்தான் என்னுடைய 
தாயே அனையான் தனித்து