சிற்சபை

சிற்சபை இன்பத் திருநடங் காட்டித் 

தெள்ளமு தூட்டிஎன் சிந்தையைத் தேற்றிப் 
பொற்சபை தன்னில் பொருத்திஎல் லாம்செய் 

பூரண சித்திமெய்ப் போகமும் தந்தே 
தற்பர மாம்ஓர் சதானந்த நாட்டில் 

சத்தியன் ஆக்கிஓர் சுத்தசித் தாந்த 
அற்புத வீதியில் ஆடச்செய் தீரே 

அருட்பெருஞ் ஸோதிஎன் ஆண்டவர் நீரே

சிற்சபை அப்பனைக் கண்டுகொண் டேன்அருள் தெள்ளமுதம் 
சற்சபை உள்ளம் தழைக்கஉண் டேன்உண்மை தான்அறிந்த 
நற்சபைச் சித்திகள் எல்லாம்என் கைவசம் நண்ணப்பெற்றேன் 
பொற்சபை ஓங்கப் புரிந்தாடு தற்குப் புகுந்தனனே

சிற்சபை அப்பனை உற்றே னே 
சித்திஎ லாம்செயப் பெற்றே னே