சிவமே

சிவமே சிவஞானச் செல்வமே அன்பர்
நவமே தவமே நலமே நவமாம்
வடிவுற்ற தேவேநின் மாக்கருணை யன்றோ
படிவுற்ற என்னுட் பயன்

சிவமே பொருளென்று தேற்றி - என்னைச் 

சிவவெளிக் கேறும் சிகரத்தில் ஏற்றிச் 
சிவமாக்கிக் கொண்டது பாரீர் - திருச் 

சிற்றம் பலத்தே திருநட ஸோதி  ஸோதி

சிவமே பொருள்என் றறிவால் அறிந்தேன் 

செத்தாரை மீட்கின்ற திண்மையைப் பெற்றேன் 
உவமேயம் இல்லாத ஒருநிலை தன்னில் 

ஒன்றிரண் டென்னாத உண்மையில் நின்றேன் 
தவமே புரிகின்றார் எல்லாரும் காணத் 

தயவால் அழைக்கின்றேன் கயவாதே தோழி 
அவமேபோ காதென்னோ டாடேடி பந்து 

அருட்பெருஞ் சோதிகண் டாடேடி பந்து  ஆடேடி

சிவமே நின்னைப் பொதுவில் கண்ட செல்வர் தம்மை யே 
தேவர் கண்டு கொண்டு வணங்கு கின்றார் இம்மை யே 
தவமே புரிந்து நின்னை உணர்ந்த சாந்த சித்த ரே 
தகும்ஐந் தொழிலும் தாமே இயற்ற வாய்ந்த சித்த ரே  எனக்கும் உனக்கும்