Vallalar.Net
Vallalar.Net

சீர்வளர்

பாடல் எண் :1954
சீர்வளர் மதியும் திருவளர் வாழ்க்கைச் 

செல்வமும் கல்வியும் பொறையும் 
பார்வளர் திறனும் பயன்வளர் பரிசும் 

பத்தியும் எனக்கருள் பரிந்தே 
வார்வளர் தனத்தாய் மருவளர் குழலாய் 

மணிவளர் அணிமலர் முகத்தாய் 
ஏர்வளர் குணத்தாய் இசைதுலுக் காணத் 

திரேணுகை எனும்ஒரு திருவே
பாடல் எண் :3917
சீர்வளர் திருச்சிற் றம்பலத் தோங்குஞ் 

செல்வமே என்பெருஞ் சிறப்பே 
நீர்வளர் நெருப்பே நெருப்பினுள் ஒளியே 

நிறைஒளி வழங்கும்ஓர் வெளியே 
ஏர்தரு கலாந்த மாதிஆ றந்தத் 

திருந்தர சளிக்கின்ற பதியே 
பாருறும் உளத்தே இனித்திட எனக்கே 

பழுத்தபே ரானந்தப் பழமே