Vallalar.Net
Vallalar.Net

செய்வகைஒன்

பாடல் எண் :3082
செய்வகைஒன் றறியாது திகைப்பினொடே இருந்தேன்

திடுக்கெனஇங் கெழுந்திருப்பத் தெருக்கதவந் திறப்பித்
துய்வகைஒன் றெனதுகரத் துவந்தளித்து மகனே

உய்கமகிழ்ந் தின்றுமுதல் ஒன்றும்அஞ்சேல் என்று
மெய்வகையில் புகன்றபின்னும் அஞ்சியிருந் தேனை

மீட்டும்இன்றை இரவில்உணர் வூட்டிஅச்சந் தவிர்த்தாய்
ஐவகையாய் நின்றுமன்றில் ஆடுகின்ற அரசே

அற்புதத்தாள் மலர்வருத்தம் அடைந்தனஎன் பொருட்டே
பாடல் எண் :3243
செய்வகைஒன் றறியாத சிறியேன் இந்தச்

சிற்றுலக வாழ்க்கையிடைச் சிக்கி அந்தோ
பொய்வகையே புரிகின்றேன் புண்ணி யாநின்

பொன்னடியைப் போற்றிலேன் புனித னேநான்
உய்வகைஎவ் வகையாது செய்வேன் நீயே

உறுதுணைஎன் றிருக்கின்றேன் உணர்வி லேனை
மெய்வகையிற் செலுத்தநினைத் திடுதி யோசொல்

வேந்தேஎன் உயிர்த்துணையாய் விளங்குங் கோவே