ஞால

ஞால வாழ்க்கையை நம்பிநின் றுழலும் 

நாய்க ளுக்கெலாம் நாயர சானேன் 
சீலம் ஒன்றிலேன் திகைக்கின்றேன் சிவனே 

செய்வ தென்னைநான் சிறியருள் சிறியேன் 
ஏல நின்அருள் ஈதியேல் உய்வேன் 

இல்லை யேல்எனக் கில்லைஉய் திறமே 
போல என்றுரை யாஒற்றி அரசே 

போற்றும் யாவர்க்கும் பொதுவில்நின் றவனே

ஞால ராதி வணங்குமொற்றி 

நாதர் நீரே நாட்டமுறும் 
பால ராமென் றுரைத்தேனாம் 

பால ரலநீ பாரென்றார் 
மேல ராவந் திடுமென்றேன் 

விளம்பேல் மகவு மறியுமென்றார் 
கோல ராமென் றுரைத்தேன்யாங் 

கொண்டோ முக்க ணென்றாரே

ஞால நிகழும் புகழொற்றி 

நடத்தீர் நீர்தா னாட்டமுறும் 
பால ரலவோ வென்றேனைம் 

பாலர் பாலைப் பருவத்திற் 
சால மயல்கொண் டிடவருமோர் 

தனிமைப் பால ரியாமென்றே 
யேல முறுவல் புரிகின்றா 

ரிதுதான் சேடி யென்னேடீ