தன்னிகர்

தன்னிகர் அறியாத் தலைவனே தாயே 

தந்தையே தாங்குநற் றுணையே
என்னிறு கண்ணே என்னுயிர்க் குயிரே 

என்னுடை எய்ப்பினில் வைப்பே
உன்னுதற் கினிய வொருவனே எனநான் 

உன்னையே நினைத்திருக் கின்றேன்
மன்னும்என் உள்ள மெலிவும்நான் இருக்கும் 

வண்ணமும் திருவுளம் அறியும்

தன்னிகர் இல்லதோர் ஸோதி - சுத்த 

சன்மார்க்க சங்கம் தழுவிய ஸோதி 
என்னுள் நிறைந்தமெய் ஸோதி - என்னை 

ஈன்றைந் தொழில்செய்என் றேவிய ஸோதி  சிவசிவ

தன்னிகர் இல்லான்என்று ஊதூது சங்கே 

தலைவன் அவனேஎன்று ஊதூது சங்கே 
பொன்னியல் வண்ணன்என்று ஊதூது சங்கே 

பொதுநடம் செய்வான்என்று ஊதூது சங்கே