Vallalar.Net
Vallalar.Net

தாயி

பாடல் எண் :682
தாயி லார்என நெஞ்சகம் தளர்ந்தேன்
தந்தை உம்திருச் சந்நிதி அடைந்தேன்
வாயி லார்என இருக்கின்றீர் அல்லால்
வாய்தி றந்தொரு வார்த்தையும் சொல்லீர்
கோயி லாகஎன் நெஞ்சகத் தமர்ந்த
குணத்தி னீர்என்தன் குறைஅறி யீரோ
ஒறி லாதுநல் தொண்டருக் கருள்வான்
ஓங்கு சீர்ஒற்றி யூர்உடையீரே

திருச்சிற்றம்பலம்

திருவருள் வேட்கை 
திருவொற்றியூர்
கொச்சகக் கலிப்பா
திருச்சிற்றம்பலம்
பாடல் எண் :1328
தாயி னும்பெருந் தயவுடை யவன்நந் 
தலைவன் என்றுநான் தருக்கொடும் திரிந்தேன் 
நாயி னும்கடை யேன்படும் இடரை 
நாளும் கண்டனை நல்அருள் செய்யாய் 
ஆயி னும்திரு முகங்கண்டு மகிழும் 
அன்பர் தம்பணி ஆற்றிமற் றுடலம் 
தேயி னும்மிக நன்றெனக் கருள்உன் 
சித்தம் அன்றியான் செய்வதொன் றிலையே