Vallalar.Net
Vallalar.Net

திருச்சிற்றம்

பாடல் எண் :5631
திருச்சிற்றம் பலத்தின்பத் திருஉருக்கொண் டருளாம் 

திருநடஞ்செய் தருளுகின்ற திருவடிகள் இரண்டும் 
அருச்சிக்கும் பேரன்பர் அறிவின்கண் அறிவாய் 

அவ்வறிவில் விளைந்தசிவா னந்தஅமு தாகி 
உருச்சிக்கும் பரநாதத் தலங்கடந்தப் பாற்சித் 

துருவுகடந் திருக்கும்என உணர்ந்தோர்சொல் வாரேல் 
பெருச்சித்தெல் லாம்வல்ல நடராஜப் பெருமான் 

பெருமையையாம் பேசுவதென் பேசாய்என் தோழி
பாடல் எண் :5751
திருச்சிற்றம் பலத்தின்பத் திருவுருக்கொண் டின்பத் 

திருநடஞ்செய் தருள்கின்ற திருவடிக்கே தொழும்பாய் 
அருச்சிக்கும் பேரன்பர் அறிவின்கண் அறிவாய் 

அவ்வறிவில் விளைந்தசிவா னந்தஅமு தாகிப் 
பரிச்சிக்கும் அவ்வமுதின் நிறைந்தசுவை ஆகிப் 

பயனாகிப் பயத்தின்அனு பவமாகி நிறைந்தே 
உருச்சிக்கும் எனமறைகள் ஆகமங்கள் எல்லாம் 

ஓதுகின்ற எனில்அவர்தம் ஒளிஉரைப்ப தெவரே   
 () பரிச்சிக்கும் - பரிசிக்கும் என்பதன் விகாரம்