Vallalar.Net
Vallalar.Net

துன்பெலாம்

பாடல் எண் :3827
துன்பெலாம் தவிர்க்கும் திருச்சிற்றம் பலத்தே 

சோதியுட் சோதியே அழியா 
இன்பெலாம் அளிக்கும் இறைவனே என்னை 

ஈன்றநல் தந்தையே தாயே 
அன்பெலாம் ஆகி நிறைந்ததோர் நிறைவே 

அண்ணலே இனிப்பிரி வாற்றேன் 
பொன்பதந் தருதற் கிதுதகு தருணம் 

புணர்ந்தருள் புணர்ந்தருள் எனையே
பாடல் எண் :3955
துன்பெலாம் தவிர்த்த துணையைஎன் உள்ளத் 

துரிசெலாந் தொலைத்தமெய்ச் சுகத்தை 
என்பொலா மணியை என்சிகா மணியை 

என்னிரு கண்ணுள்மா மணியை 
அன்பெலாம் அளித்த அம்பலத் தமுதை 

அருட்பெருஞ் ஸோதியை அடியேன் 
என்பெலாம் உருக்கி இன்பெலாம் அளித்த 

எந்தையைக் கண்டுகொண் டேனே
பாடல் எண் :4026
துன்பெலாம் தவிர்த்த துணைவனே என்கோ 

சோதியுட் சோதியே என்கோ 
அன்பெலாம் அளித்த அன்பனே என்கோ 

அம்மையே அப்பனே என்கோ 
இன்பெலாம் புரிந்த இறைவனே என்கோ 

என்உயிர்க் கின்அமு தென்கோ 
என்பொலா மணியே என்கணே என்கோ 

என்னுயிர் நாதநின் றனையே