Vallalar.Net
Vallalar.Net

தெருவிடத்தே

பாடல் எண் :3808
தெருவிடத்தே விளையாடித் திரிந்தஎனை வலிந்தே 

சிவமாலை அணிந்தனைஅச் சிறுவயதில் இந்த 
உருவிடத்தே நினக்கிருந்த ஆசைஎலாம் இந்நாள் 

ஓடியதோ புதியஒரு உருவுவிழைந் ததுவோ 
கருவிடத்தே எனைக்காத்த காவலனே உனது 

கால்பிடித்தேன் விடுவேனோ கைப்பிடிஅன் றதுதான் 
வெருவிடத்தென் உயிர்ப்பிடிகாண் உயிர்அகன்றால் அன்றி 

விடமாட்டேன் விடமாட்டேன் விடமாட்டேன் நானே