Vallalar.Net
Vallalar.Net

தேனார்

பாடல் எண் :262
தேனார் அலங்கல் குழல்மடவார் திறத்தின் மயங்காத் திறல்அடைதற்
கானார் கொடிஎன் பெருமான்தன் அருட்கண் மணியே அற்புதமே
கானார் பொழில்சூழ் திருத்தணிகைக் கரும்பே கருணைப் பெருங்கடலே
வானார் அமுதே நின்திருத்தாள் அடியேன் முடிமேல் வைப்பாயே
பாடல் எண் :1584
தேனார் கமலத் தடஞ்சூழும் 

திருவாழ் ஒற்றித் தியாகர்அவர் 
வானார் அமரர் முனிவர்தொழ 

மண்ணோர் வணங்க வரும்பவனி 
தானார் வங்கொண் டகமலரத் 

தாழ்ந்து சூழ்ந்து கண்டலது 
கானார் அலங்கற் பெண்ணேநான் 

கண்கள் உறக்கங் கொள்ளேனே
பாடல் எண் :1807
தேனார் பொழிலா ரொற்றியில்வாழ் 

தேவ ரிவர்வாய் திறவாராய் 
மானார் கரத்தோர் நகந்தெரித்து 

வாளா நின்றார் நீளார்வந் 
தானா ருளத்தோ டியாதென்றேன் 

றங்கைத் தலத்திற் றலையையடி 
யேனா டுறவே காட்டுகின்றா 

ரிதுதான் சேடி யென்னேடீ