Vallalar.Net
Vallalar.Net

தேவர்களோ

பாடல் எண் :5628
தேவர்களோ சித்தர்களோ சீவன்முத்தர் தாமோ 

சிறந்தமுனித் தலைவர்களோ செம்பொருள்கண் டோ ரோ 
மூவர்களோ அறுவர்களோ முதற்சத்தி அவளோ 

முன்னியநம் பெருங்கணவர் தம்இயலை உணர்ந்தோர் 
யாவர்களும் அல்லஎன்றால் யான்உணர்ந்து சொல்ல 

அமையுமோ ஒருசிறிதும் அமையாது கண்டாய் 
ஆவலொடும் அன்பர்தொழக் கனகசபை நடிப்பார் 

அவர்பெருமை எவ்விதத்தும் அவர்அறிவார் தோழி
பாடல் எண் :5750
தேவர்களோ முனிவர்களோ சிறந்தமுத்தர் தாமோ 

தேர்ந்தசிவ யோகிகளோ செம்பொருள் கண்டோ ரோ 
மூவர்களோ ஐவர்களோ முதற்பரையோ பரமோ 

முன்னியஎன் தனித்தலைவர் தம்இயலை உணர்ந்தார் 
யாவர்களும் அல்லஎன்றால் யான்உணர்ந்து மொழிதற் 

கமையுமோ ஒருசிறிதும் அமையாது கண்டாய் 
ஆவலொடும் அன்பர்தொழச் சிற்சபையில் நடிப்பார் 

அவர்பெருமை அவர்அறிவர் அவரும்அறிந் திலரே