Vallalar.Net
Vallalar.Net

நாடுகின்ற

பாடல் எண் :3714
நாடுகின்ற மறைகள்எலாம் நாம்அறியோம் என்று 

நாணிஉரைத் தலமரவே நல்லமணி மன்றில் 
ஆடுகின்ற சேவடிகண் டானந்தக் கடலில் 

ஆடும்அன்பர் போல்நமக்கும் அருள்கிடைத்த தெனினும் 
வீடுகின்ற பிறர்சிறிதும் அறியாமல் இருக்க 

வேண்டும்என இருந்தஎன்னை வெளியில்இழுத் திட்டு 
வாடுகின்ற வகைபுரிந்த விதியைநினைந் தையோ 

மனம்ஆலை பாய்வதுகாண் மன்றில்நடத் தரசே
பாடல் எண் :5511
நாடுகின்ற தெம்பெருமான் நாட்டமதே நான்உலகில் 
ஆடுகின்ற தெந்தைஅருள் ஆட்டமதே - பாடுகின்ற 
பாட்டெல்லாம் அம்பலவன் பாத மலர்ப்பாட்டே 
நீட்டெல்லாம் ஆங்கவன்றன் நீட்டு
பாடல் எண் :5793
நாடுகின்ற பலகோடி அண்டபகிர் அண்ட 

நாட்டார்கள் யாவரும்அந் நாட்டாண்மை வேண்டி 
நீடுகின்ற தேவர்என்றும் மூர்த்திகள்தாம் என்றும் 

நித்தியர்கள் என்றும்அங்கே நிலைத்ததெலாம் மன்றில் 
ஆடுகின்ற திருவடிக்கே தங்கள்தங்கள் தரத்துக் 

கானவகை சொல்மாலை அணிந்ததனால் அன்றோ 
பாடுகின்ற என்னுடைய பாட்டெல்லாம் பொன்னம் 

பலப்பாட்டே திருச்சிற்றம் பலப்பாட்டே தோழி