Vallalar.Net
Vallalar.Net

நான்பசித்த

பாடல் எண் :4138
நான்பசித்த போதெல்லாம் தான்பசித்த தாகி 

நல்உணவு கொடுத்தென்னைச் செல்வம்உற வளர்த்தே 
ஊன்பசித்த இளைப்பென்றும் தோற்றாத வகையே 

ஒள்ளியதெள் ளமுதெனக்கிங் குவந்தளித்த ஒளியே 
வான்பதிக்கும் நெடுமாற்கும் நான்முகற்கும் அரிதாம் 

வாழ்வெனக்கே ஆகியுற வரம்அளித்த பதியே 
தேன்பரித்த மலர்மணமே திருப்பொதுவில் ஞானத் 

திருநடஞ்செய் அரசேஎன் சிறுமொழிஏற் றருளே
பாடல் எண் :5807
நான்பசித்த போதெல்லாம் தான்பசித்தார் ஆகி 

நல்லதிரு அமுதளித்தே அல்லல்பசி தவிர்த்தே 
ஊன்பதித்த என்னுடைய உளத்தேதம் முடைய 

உபயபதம் பதித்தருளி அபயம்எனக் களித்தார் 
வான்பதிக்கும் கிடைப்பரியார் சிற்சபையில் நடிக்கும் 

மணவாளர் எனைப்புணர்ந்த புறப்புணர்ச்சித் தருணம் 
தான்பதித்த பொன்வடிவம் தனைஅடைந்து களித்தேன் 

சாற்றும்அகப் புணர்ச்சியின்ஆம் ஏற்றம் உரைப் பதுவே   
 () புணர்ச்சியினோ வேற்றம் - முதற்பதிப்பு, பொ சு, ச மு க 
புணர்ச்சியினோ ரேற்றம் - பி இரா பதிப்பு