Vallalar.Net
Vallalar.Net

பரிகலத்தே

பாடல் எண் :3783
பரிகலத்தே திருஅமுதம் படைத்துணவே பணித்தீர் 

பணித்தபின்னோ என்னுடைய பக்குவம்பார்க் கின்றீர் 
இருநிலத்தே பசித்தவர்க்குப் பசிநீக்க வல்லார் 

இவர்பெரியர் இவர்சிறியர் என்னல்வழக் கலவே 
உரிமையுற்றேன் உமக்கேஎன் உள்ளம்அன்றே அறிந்தீர் 

உடல்பொருள்ஆ விகளைஎலாம் உம்மதெனக் கொண்டீர் 
திரிவகத்தே நான்வருந்தப் பார்த்திருத்தல் அழகோ 

சிவகாம வல்லிமகிழ் திருநடநா யகரே