பற்று

பற்று நோக்கிய பாவியேன் தனக்குப் 

பரிந்து நீஅருட் பதம்அளித் திலையே 
மற்று நோக்கிய வல்வினை அதனால் 

வஞ்ச மாயையின் வாழ்க்கையின் மனத்தின் 
அற்று நோக்கிய நோய்களின் மூப்பின் 

அலைதந் திவ்வுல கம்படும் பாட்டை 
உற்று நோக்கினால் உருகுதென் உள்ளம் 

ஒற்றி மேவிய உலகுடை யோனே

பற்று முடித்தோர் புகழொற்றிப் 

பதியீர் நுமது பசுவினிடைக் 
கற்று முடித்த தென்னிருகைக் 

கன்று முழுதுங் காணென்றேன் 
மற்று முடித்த மாலையொடுன் 

மருங்குற் கலையுங் கற்றுமுடிந் 
திற்று முடித்த தென்கின்றா 

ரிதுதான் சேடி யென்னேடீ

பற்று நெஞ்சகப் பாதக னேன்செயும்
குற்றம் யாவும்கு ணம்எனக் கொண்டருள்
உற்ற எள்துணை யேனும்உ தவுவாய்
கற்ற நற்றவர் ஏத்தும்முக் கண்ணனே