Vallalar.Net
Vallalar.Net

பாயிரமா

பாடல் எண் :2131
பாயிரமா மறைஅனந்தம் அனந்தம் இன்னும்

பார்த்தளந்து காண்டும்எனப் பல்கான் மேவி
ஆயிரமா யிரமுகங்க ளாலும் பன்னாள்

அளந்தளந்தோர் அணுத்துணையும் அளவு காணா
தேயிரங்கி அழுதுசிவ சிவவென் றேங்கித்

திரும்பஅருட் பரவெளிவாழ் சிவமே ஈன்ற
தாயிரங்கி வளர்ப்பதுபோல் எம்போல் வாரைத்

தண்ணருளால் வளர்த்தென்றும் தாங்குந் தேவே
பாடல் எண் :4751
பாயிரமா மறைகளெலாம் பாடுகின்ற பாட்டுன் 

பாட்டேஎன் றறிந்துகொண்டேன் பரம்பொருள்உன் பெருமை 
ஆயிரம்ஆ யிரங்கோடி நாஉடையோர் எனினும் 

அணுத்துணையும் புகல்அரிதேல் அந்தோஇச் சிறியேன் 
வாய்இரங்கா வகைபுகலத் துணிந்தேன்என் னுடைய 

மனத்தாசை ஒருகடலோ எழுகடலில் பெரிதே 
சேய்இரங்கா முனம்எடுத்தே அணைத்திடுந்தாய் அனையாய் 

திருச்சிற்றம் பலம்விளங்கும் சிவஞான குருவே